Një foto monstruoze është bërë publike ditën e sotme gjatë seancës plenare në Kuvendin e Kosovës në momentin që ishte duke u votuar rezoluta për gjenocidin serb.
Ka qenë deputetja Flora Brovina ajo që para mediave ka nxjerrë një fotografi ku shihet sesi tre ushtarë serbë po përdhunonin në grup një femër gjatë kohës së luftës.
Në pamje duket qartë se përdhunimi është duke u kryer në sy të familjarëve të saj, ku njëri prej tyre gjendet i shtrirë dhe gjurmët e gjakut janë të dallueshme.
“Kjo është vetëm njëra nga mënyrat kur i kanë detyruar familjarët që ta shohin aktin e dhunës seksuale. Shumë raste kemi kur ato janë mbledhur shumë në numër dhe sistematikisht janë dhunuar nga ushtarët serb.”
Deputetja e PDK-së nuk ka dhënë detaje se në cilin vend ka ndodhur ky rast, duke theksuar rëndësinë e ruajtjes së privatesisë së gruas.
“Gruaja është 50 vjeçare kur ka ndodhur ka qenë 35 vjeçare. Tani është zgjuar vetëdijësimi institucional që për këto viktima të ngrihen aktakuza. Serbia është fajtorja”
Sipas deputetes Brovina, fotografia tronditëse nga të rrallat që dëshmojnë makabritetin e sjelljes serbe në Kosovë, është gjetur në aparatin e një ushtari serb.
