Palët gjejnë gjuhën e përbashkët për reformën zgjedhore, OSBE do ndërhyjë aty ku mungon konsensusi

Google+ Pinterest LinkedIn Tumblr +

Ditën e sotme u mbajt tryeza parlamentare e reformës zgjedhore.

Të pranishëm në diskutim ishin Damian Gjiknuri nga PS, Rudina Hajdai nga opozita parlamentare dhe Petrit Vasili e Oerd Bylykbashi nga opozita jo parlamentare.

Opozita e bashkuar këkon një draft përfundimtar me konsensusin e të gjitha palëve, që do të miratohet pas asnjë ndryshim.

Rudina Hajdari, ka shprehur publikisht se kërkesa e saj më e fortë janë listat e hapura.

Kjo do të thotë se shqiptarët mund të votojnë për kandidatin në mënyrë të drejtpërdrejtë dhe jo për partinë, e cila i radhit vetë deputetët.

Qëllimi i tryezës politike, është arritja e një konsensusi pa praninë e ndërmjetësuesve të huaj.

Deri më tani, Komisioni i Posaçëm Parlamentar ka punuar në dy drafte, depolitizimin e komisionerëve dhe financimin e partive politike.

Ndërkohë opozita jo parlamentare ka zhvilluar takime paralele, ku është diskutuar për votimin elektronik dhe financimet.

Përfaqësuesi i maxhorancës, Damian Gjiknuri, tha se për çështjet që nuk do të ketë konsensus, do të kërkohet ndërhyrja e ndërkombëtarëve.

Reforma Zgjedhore pritet të miratohet jo më larg se 15 marsi.

Shpërndaje
Share.

Komento