Edhe një herë tjetër bluzat e bardha akuzohen për neglizhencë, e cila i ka kushtuar jetën 43-vjeçarit, Besnik Ramaj, nga Fieri.
Babi i të ndjerit duket se nuk do të gjejë qetësi deri sa të zbardhet tërësisht vdekja e djalit të tij, për të cilën është i bindur se ka ndodhur për shkak të neglizhencës dhe mosinteresimit të mjekëve.
Bajram Ramaj i pyetur nga Fax news ka treguar ngjarjen që nga momenti kur kanë dalluar djalin që ishte i sëmurë, deri në çastin kur ai ka ndërruar jetë.
“Kemi bërtitur ne si prindër të djalit që ta dërgonim në Tiranë, se djali vetëm thoshte doktor ça më bëtë? Askush nga mjekët nuk merrte përgjegjësi. Kemi bërtitur në ambientet e spitalit djali po vuante. Të zbardhet e vërteta, përjetuam tmerrin. Pakujdesia e mjekëve i mori jetën djalit tim. Askush nuk i interesua për ekspertizën mjeko-ligjore. Duam drejtësi. Shërbimet i ka bërë mjeku roje dhe jo kirurgu, pritëm deri në mëngjes, dhe djali në mëngjes ndërroi jetë. Ai që është specialist për atë punë për mua nuk ka punuar fare. Ne kërkojmë të dalë e verteta.”- shprehet ai.
Megjithatë ai thotë se e ka shumë të vështirë gjithë çfarë ka ndodhur, por duhet të bëhet i fortë për 3 nipërit që djali i la pas, 2 vajzat 19 dhe 18 vjeç dhe djalin 16 vjeç
Dëshmi tjetët ka sjellë edhe bashkëshortja e të ndjerit, Fatime Ramaj,e cila ka treguar momentin kur e ka ndier se i shoqi nuk ndihej mirë.
“Ishim në gjumë, kishte ethe, duart e ftohta dhe e mori një shok në telefon dhe e çoi në urgjencë. Mjeku roje dhe infermirët. Nuk thanë asgjë. Matën temepraturën, tensionin i lëvizte.”- shprehet bashkëshortja.
Sipas Fax news, prinderit e të ndjerit Besnik Ramaj, kërkojnë të zbardhet e vërteta, sepse ato ditë kanë qenë tmerr për të gjithë familjen dhe ka qenë pakujdesia e mjekut roje apo infermiereve ajo që i mori jetën 43- vjecarit. Më e tmerrshmja qëndron edhe pasi Besniku kishte ndërruar jetë, ku asnjëri nuk tregoi interesin për të vogël mbi raportin e ekspertizës mjeko -ligjore.
Familja për këtë arsye ka marrë edhe një avokat që të ndjek çështjen që ditën e hënë do të kalojë pranë Gjykatës së Fierit,
