Biznesi ka marrë një goditje të rëndë për shkak të masave të marra ndaj COVID-19 nga qeveria.
Ky sektor është duke u përballur me vështirësi të shumta ekonomike.
Nisur nga kjo situatë, Biznes Albania, nëpërmjet një deklarate për shtyp i ka kërkuar edhe njëherë qeverisë që të rishikojë marrëveshjen me bankat dhe kreditë.
Sipas Biznes Albania, marrveshja aktuale ia kalon të gjithë riskun bankave dhe për këtë arsye po hezitojnë të japin kredi.
Njëkohësisht kërkohet edhe rishikimi i mundësisë për shtyrjen e pagesës së principalit të kredive për një vit, si dhe të shihet mundësia për ndihma të tjera nga qeveria.
Në deklaratë thuhet, se paketa e parë dhe e zgjeruara nuk po gjejnë zbatim, ndërsa bën thirrje që hapja e bizneseve të bëhet në konsultim me shoqatat e biznesit.
DEKLARATA PËR SHTYP E BIZNES ALBANIA
-Biznes Albania po ndjek me vëmendje dhe shqetesim te madh situaten e ndermarrjeve dhe gjendjen e ekonomisë!
– Pershendesim të gjitha perpjekjet dhe masat e marra për të kombinuar ruajtjen e shëndetit të popullatës me hapjen graduale të ekonomisë!
– Mbështesim pëpjekjet për hartimin e protokolleve për hapjen e biznesit, me qëllim ruajtjen e shëndetit të punonjësve dhe popullatës!
– Por Biznes Albania me keqardhje dhe shqetesim konstaton se shumë ndërmarrje vazhdojnë të jenë të mbyllura, në pamundësi të nisin aktivitetin dhe mjaft punonjës kanë ndërprerë marrdheniet e punës dhe gjendja e biznesit është shumë e veshtirë !
– Biznes Albania konstaton se vendimet e paketës së parë dhe asaj të zgjeruar nuk po gjejnë ende zbatim !
– Biznes Albania konstaton se ka paqartësi dhe hezitim nga sistemi bankar për dhënien e kredive për pagat e punonjësve, pasi protokolli i hartuar midis qeverisë dhe bankave ja kalon të gjithe riskun dhe përgjegjësine bankave! Ku është roli i shtetit?
-Biznes Albania i kerkon Qeverisë të rishikojë marrveshjen me bankën duke marrë më shumë përgjegjësi, me qëllim që bankat të mos hezitojnë në dhënien e kredisë për pagat!
⁃ Biznes Albania duke parë efektin ndihmues të shtyrjes së kredive për tre muaj .. dhe duke vlerësuar situatën e veshtirë të mjaft ndërmarrjeve, i kërkon Qeverisë dhe Bankës së Shqipërisë që të mundësojë shtyrjen e pagesës së principalit të kredive për për një vit…. për të gjitha ndërmarrjet e prekura nga Covid 19!
– Biznes Albania i bën thirrje Qeverisë që të vihet në lëvizje garancia e dytë sovrane me qellim që hapja graduale e ekonomisë të shoqërohet me dhënie kredie për bizneset që rinisin punën!
-Biznes Albania këshillon qeverinë që protokollet e hapjes së bizneseve të ëehen në konsultim me shoqatat e biznesit dhe me tendencë lehtesimi dhe me pak kosto për sipërmarrjen!
⁃ Biznes Albania i bën thirrje Qeverisë , që të mos e konsiderojë të mbyllur ndihmën dhe kontributin për ekonominë vetëm me dy garancitë sovrane, por të mendojë për të ndihmuar ndërmarrjet me likujditete e kredi të shpejta me terma të buta dhe me afate të gjata kohore për shlyerje!
⁃ Biznes Albania beson tek aftesitë e sipërmarrjes shqiptare, …që me një mbështetje akoma më të madhe të qeverisë…të fillojmë të nisim punë dhe të ngremë ekonominë shqiptare!
⁃ BIZNES ALBANIA
⁃ Luan Bregasi
