Deputeti Vangjel Dule ka komentuar paketën e miratuar nga qeveria të enjten. Nga foltorja e Kuvendit Dule hodhi kritika ndaj qeverisë duke u shprehur se paketa është një demagogji dhe një shoë nga Rama, pasi nuk po rishpërndahen për qytetarët fitimet e “çmendura” që buxheti i shtetit ka patur së fundmi nga rritja e çmimeve dhe inflacioni rekord.
FJALA E DULES:
Që nga momenti kur do votojmë aktin e parë normative në fund të seancës, nderi dhe përgjegjësia e atij që u drejtohet qytetarëve dhe organit legjislativ nga ky podium fiton një dimension tjetër.
Më lejoni ta nis me deklarata e sotme të të parit të qeverisë, i cili improvizoi një paketë të re ndihmash pas peshës së akuzave që e prisnin sot. Tha me një dozë sarkazme dhe alegorie “qeveria e poshtër””, ky është një truk retorik që e përdor rëndom për të riaktivizuar thelbin e akuzës që i rëndon dhe nuk besoj se ka një njeri me sensibilitet social, socialist apo liberal të politikave që ndjek kjo qeveri. Politikat tuaja nuk janë aspak demokratike, aspak koherente. Janë politika protagonizmi dhe demagogjie. Përmenda shembullin e Gjermanisë dhe SHBA dhe politikave që morën. Po ju përmend rastin më të ri. Sot kryeministrja e sapoemëruar e Britanisë prezantoi paketën e masave për vendin e saj. Shuma vjetore e faturës së energjisë dhe e gazit për çdo familje mesatare, nuk do të jetë mbi 2500 paund për energjinë elektrike dhe gazin. E dini sa është e ardhura e familjes mesatare britanike krahasuar me Shqipërinë, 7-8 herë. E kuptoni ku janë masat që po merrni ju.
Thoni të vërtetën dhe mos jini kaq hipokritë dhe tu thoni qytetarëve se kjo është për shkak të performancës brilante të tatimeve dhe doganave. Jo kjo ndodh në të gjitha vendet për shkak të rritjes së çmimeve dhe inflacionit. Se me rritjen e çmimeve është rritur në vlerë nominale dhe vlera e fitimit në buxhetin e shtetit. Ju s’jeni të sinqertë as ta pohoni dhe jo më ta rishpërndani. Sot që po flasim çmimi i brendit është i njëjtë me të para evazionit rus në Ukrainë. Shihni dhe analizoni çmimet e karburantit. Ju realitetin as nuk doni dhe as nuk dini ta lexoni. Nëse doni të jemi si Europianë. Kryeministri që e ka nisur nga ky podium me pranga, me vargonj dhe ka burgosur qytetarë për energjinë elektrike që edhe kanë vdekur në qeli. Na kujtoi sot rastin e Zvicrës që ka vendosur të dënoje me deri në 3 vjet burgim ata që kalonin termostatin mbi 19 gradë.
Periudha e vështirë që na pret përpara nuk është e shkurtër. Rritja e inflacionit mund të zgjasë deri në 2 vite. I them opozitës të mbledhim urgjentisht firmat për ngritjen e një aksioni hetimor ad-hoc, për aktivitetin e të gjitha kompanive prodhuese të energjisë në vendin tonë. Skandalet në të ardhmen e afërt janë të përmasave me kosto dramatike për ekonominë e vendit.
Shumë vende aplikojnë tatim të jashtëzakonshëm për fitime të jashtëzakonshme për kompani të caktuara gjatë kësaj krize të jashtëzakonshme. A keni ju në plan të tatoni jashtëzakonisht ata që janë klientët tuaj.
