Kuvendi ka tërhequr sot nga votimi projektligjin për mediat audiovizive, e njohur si paketa antishpifje.
Lajmi është bërë i ditur nga kreu i grupit parlamentar të PS-së, Taulant Balla.
Balla tha se ‘Venecia’ do të diskutojë në procedurë të përshpejtuar më 21 mars këtë paketë, ndërsa shtoi se në Tiranë pritet të vijë një delegacion në muajin shkurt.
“Votimi i dekretit për mediat audiovizive, diskutimi për të, të shtyhet deri sa Komisioni i Venecias të na sjellë raportin e vet, më 20-21 mars.”, tha Balla.
Kjo kërkesë është kundërshtuar nga kryetarja e grupit parlamentar demokrat, Rudina Hajdari.
“Ne duam rikthimin në diskutim të dekretit të presidentit.
Balla e ka marrë këtë vendim pa e diskutuar me mua”, u shpreh Hajdari.
Kujtojmë se paketa “Anti-Shpifje” ka ngjallur reagime të forta në Shqipëri, pasi është kundërshtuar nga opozita, analistët, gazetarët e shoqëria civile.
Presidenti Ilir Meta ktheu në Kuvend ligjet për mediat elektronike, duke argumentuar se ishin në shkelje me Kushtetutën.
