Pagoi 50 milionë lek  garanci: Biznesmeni që iu gjetën 15 armë në magazinë lirohet nga gjykata

Google+ Pinterest LinkedIn Tumblr +

Pas shpalljes në kërkim nga policia në muajin korrik, biznesmeni Ilir Beko, të cilit iu gjetën në një magazinë 15 armë luftarake, tre ditë më parë është vetëdorëzuar në polici dhe ditën e djeshme është lënë i lirë nga gjykata.

Beko qëndroi i fshehur për një muaj, ndërkohë që ditën e djeshme përpara trupës gjykuese ai ka deklaruar se nuk kishte asnjë lidhje me armatimet e gjetura në pronën e tij.

Sipas tij, armët duhet të jenë lënë në magazinën e braktisur nga persona të tjerë dhe nëpërmjet avokatit të  tij i kërkoi gjykatës që të vinte shumën prej 50 milionë lekësh të vjetër si garanci për lirimin e tij nga qelia.

Kjo kërkesë u kundërshtua nga prokuroria që kërkoi “arrest me burg”, ndërkohë që avokati Bekos këmbënguli se në armatime nuk janë gjetur shenjat e gishtërinjve të biznesmenit, çka dëshmon se armët nuk janë transportar dhe strehuar nga ai.

Në këto kushte, gjykata i ka dhënë lirinë Ilir Bekos në këmbim të garancisë prej 50 milionë lekësh. 15 armët e gjetura në magazinën e biznesmenit në Papër të Elbasanit, u zbuluan vetëm një ditë pas atentatit që iu bë dy vëllezërve Aldo dhe Klevi Baho.

Shpërndaje
Share.

Komento