Detaje të reja janë zbuluar në lidhje me ngjarjen e mbrëmshme në Librazhd, ku 53-vjeçari Daut Gjokola vrau me thikë gruan e tij dhe më pas u hodh nga pallati.
Siç raporton “Balkanweb”, çifti ka hipur i qetë në ashensorin e pallatit ku banonin.
Bazuar në dëshmitë e fqinjëve, djali i tyre Eduard Gjokola, 26 vjeç, kishte shkuar në banesë, pak pas orës 22:20.
Ai po qëndronte në kuzhinë duke parë televizor dhe nuk e kishte kuptuar tensionin mes prindërve.
Më pas ai dëgjon ulërimat e nënës dhe shkon me vrap në dhomë, ku sheh dhe skenën makabre.
Nëna e tij ishte mbuluar në gjak, ndërsa të dy prindërit thërrisnin për ndihmë.
Zhurma ka shqetësuar edhe fqinjët, të cilët u përballën me skenën e rëndë dhe lajmëruan menjëherë policinë.
Nga ana tjetër djali i çiftit, në gjendje të rëndë psikologjike i binte murit me kokë.
Policia erdhi pak minuta më vonë, ndërsa në dhomën e gjumit ndodhej Dauti sëbashku me djalin.
Sapo dëgjoi emrin e tij, 53-vjeçari në gjendje të rënduar psikologjike u hodh nga kati i katërt, duke gjetur vdekjen.
Shkaqet e kësaj ngjarjeje të rëndë mbeten ende mister, ndërsa nuk përjashtohet edhe xhelozia.
