Para pak ditësh GazetaReforma ka publikuar një lajm me titull “Qytetarët “masakrohen” në gjoba, rilindja zhvillon miting pa maska në Mat”.
Kryetari i Partisë Socialiste në rrethin e Matit, Hasan Pasha ka marrë guximin duke na shkruar mesazh dhe madje duke na akuzuar se jemi nxitur për publikim e atij lajmi.
“Pershendetje miq. Sonte keni botuar me sa me thane ca foto te publikuara nga ana ime, ne profilin tim. Edhe Saliu ka botuar foto te mijat dhe nuk ka patur sukses. Une personalisht, zbatoj me korrektesi porosite dhe rregullat e protokollit shendetesor. Ata qe ju kane nxitur te botoni dicka te tille kane deshtuar plotesisht, nuk e kane me çiflik Macukullin, as Matin. Ju uroj cdo te mire”, mesazhi i Pashës.
Përgjigjen Hasanit ja kemi kthyer edhe në mesazh personal, por po ja kthejmë edhe publikisht.
Ne zoti Pasha nuk marrim urdhëra apo nxitje për lajme nga askush. Nuk kemi lidhje me asnjë parti politike dhe nuk jemi as të Bashës, as të Ramës, as të Metës.
Ne jemi me të vërtetën dhe gjithmonë me të do jemi. E vërteta në këtë rast është se qytetarët po masakrohen ccdo ditë në gjoba dhe se rilindja zhvillon mitingje dhe pjesmarrësit shfaqen pa maska.
Standarti duhet të jetë i njejtë për të gjithë, ligji duhet të jetë i barabartë për të gjithë dhe të gjithë që shkelin rregullat duhet që të dënohen.
/GazetaReforma.com/
