OSHEE ka marrë masa për furnizimin me energji elektrike gjatë ditëve të festave. Sipas administratorit të OSHEE Adrian Çela, janë angazhuar në terren grupe pune me punonjës nga 11 drejtoritë rajonale të OSHEE në vend.
Ҫela u shpreh për mediat se strukturat e kompanisë do të zbatojnë planin e masave që aplikohet në cdo periudhë kur pritet fluks ngarkese në rrjet.
Në dispozicion të qytetarëve janë vendosur numrat e telefonit për të raportuar çdo defekt që do të ndodhë në zonat e tyre të banimit, në të gjitha rajonet e vendit.
Gjithashtu drejtoritë rajonale të OSHEE janë pajisur me bazë materiale të domosdoshme të cilët do të shërbejnë për ҫdo problem që mund të ndodhë në rrjet.
“OSHEE ka përgatitur një skemë për përballimin e ngarkesës së rrjetit, gjatë ditëve të festave.Kemi mbi 1500 punonjës në terren, të shpërndarë në grupe, çdo qytet ka publikuar hartat dhe numrat e emergjencës, që janë në shërbim 24 orë për qytetet të ndryshme të vendit.Risi e këtij viti, është se që pas çdo telefonate që do të vijë nga qytetarët për raportim defekti, qytetari do të rimerret në telefon pasi t’i jetë zgjidhur problemi për konfirmim.” u shpreh Çela.
