Vjedhja e energjisë elektrike është rikthyer edhe një herë në qendër të vëmendjes dhe një nga zonat më problematike sot sipas OSHEE-së është Shkodra.
Kështu që në një aksion të ndërmarrë për të evidentuar këto vjedhje brenda dy javëve janë realizuar 1000 procedura verifikimi nga Departamentit të Kontrollit dhe Rikuperimit të Humbjeve, prej nga kanë dalë këto rezultate:
- 18 raste linjash furnizimi jashtë matjes,
- 35 raste rilidhjesh të paligjshme,
- 7 raste furnizimi pa kontratë,
- 3 ndërhyrje në sistemin e matjes.
Për gjithë rastet e konstatuara tashmë pranë policisë janë depozituar 63 padi për konsumatorë familjarë dhe biznese, të cilët kanë shkelur ligjin.
Aksioni do të vazhdojë edhe në qytete të tjera të vendit, të cilat priten të nisin në javët në vazhdim.
