Një shkencëtare kryesore në misionin COVID-19 të OBSH-së në Kinë tha të martën se një udhëtim pasues mund të jetë i dobishëm për të mbledhur kërkime shtesë mbi origjinën e sëmundjes, por duhet të jetë i ndarë nga çdo kontroll i informacionit të siguruar nga Pekini.
Komentet nga virologia holandeze, Marion Koopmans erdhën pasi Shtetet e Bashkuara bënë thirrje të martën që ekspertët ndërkombëtarë të lejohen të vlerësojnë burimin e koronavirusit dhe ditët e para të shpërthimit në një fazë të dytë të hetimit të OBSH-së për origjinën e koronavirusit. Koopmans ishte pjesë e ekipit të udhëhequr nga OBSH i cili kaloi katër javë në Kinë në fillim të këtij viti dhe në mars botoi një raport së bashku me shkencëtarët kinezë që tha se virusi ndoshta ishte transmetuar nga lakuriqët e natës tek njerëzit përmes një kafshe tjetër.
“Hyrja përmes një incidenti laboratorik u konsiderua të ishte një rrugë jashtëzakonisht e vështirë,” thuhej në raport.
Diskutimet rreth shpërthimit morën vëmendje të re këtë javë ndërsa agjensitë e inteligjencës amerikane shqyrtojnë raportet për studiuesit në një laborator kinez të virologjisë në Wuhan që ishin të sëmurë rëndë në 2019 një muaj para se të raportoheshin rastet e para të COVID-19. Burime të qeverisë amerikane kanë thënë se ende nuk ka prova që sëmundja ka origjinën në laborator.
Koopmans tha se ekipi do të ishte i etur për të kryer kërkime shtesë në Kinë në një numër fushash dhe ishte duke pritur rezultatin e diskutimeve të OBSH-së. Ajo theksoi nevojën për një mandat të qartë për të kryer kërkime, jo për të kryer një auditim.
“Unë mendoj se këto nuk mund të kombinohen. Kështu që ne besojmë se është një kombinim që nuk do të funksionojë. Në atë rast ju thoni se do të kryejmë një inspektim, ose do të bëjmë kërkimin pasues, ose të dyja, por përmes mekanizmave të ndryshëm, përndryshe thjesht nuk do të bëni asnjë përparim, “tha ajo.
Reuters
