Një tjetër figurë e njohur nuk ka mundur t’i mbijetojë betejës me virusin vdkjeprurës. Shkrimtarja dhe gazetarja e njohur Zenepe Luka ka ndërruar jetë si pasojë e COVID në moshën 72-vjeçare. Në vitin 1998 Luka i mbijetoi një sulmi me tritol, por fatkeqësisht ajo nuk e mposhti dot virusin me të cilin ishte infektuar 10 ditë më parë.
Këngëtari i njohur italian, Albano Carrisi, e kishte cilësuar Zenepe Lukën si “Oriana Fallaci shqiptare”. Në fund të muajit janar u bë edhe promovimi i librit të këngëtarit të njohur italian, Albano Carrisi, “Nëna ime, origjina e botës sime”, të cilin Zenepe Luka e kishte përkthyer.
Zenepe Luka (Çekrezi), lindi në Librazhd. Ajo u diplomua për gazetari në Fakultetin e Shkencave Politiko-Juridike në Tiranë dhe në maj të vitit 1973. Zenepe Luka ishte e para gazetare e RTSH, në terren, që u vendos në Elbasan duke mbulluar edhe rrethet Gramsh e Librazhd. Ajo ka punuar në qytetin e saj të lindjes për shumë vite si lektore, hulumtuese në Muzeun Etnografik dhe në të njejtën kohë edhe gazetare e gazetës Bashkimi”.
Në majin e vitit 1998, ajo arriti kulmin e rrezikimit nga profesioni i saj kur iu vendos tritol në banesë dhe dy fëmijët e saj u plagoësn. Me rastin e 45 vjetorit të karrierës, Unioni i Gazetarëve të Shqipërisë, e vlerësoi me “Mirënjohje”, ndërsa Unioni i gazetarëve në Vlorë me çmimin “Petro Marko”.
