Sekretari i Përgjithshëm i Partisë Demokratike (PD), Flamur Noka, së bashku me deputetët Tomorr Alizoti dhe Sorina Koti, ka mbajtur sot një takim me demokratët në Kolonjë. Gjatë fjalës së tij, Noka iu drejtua të pranishmëve me një mesazh inkurajues nga kryetari i PD-së, Sali Berisha.
“Jua përcjell këtë urim pasi ju keni rezistuar në kushte nga më të vështirat, në raport me çdo demokrat të degëve te tjera,” u shpreh Noka. Ai vuri në dukje sfidat e mëdha me të cilat përballet rajoni, duke theksuar se “dhuna dhe terrori shtetëror në Kolonjë ka qenë më i madh se kurrë.”
Noka gjithashtu bëri një krahasim të ashpër ndërmjet politikanëve lokalë dhe atyre qendrorë, duke thënë: “Ky Erioni këtu nuk ka asnjë ndryshim me Erionin e Tiranës. Të dy janë të njëjti për sa i përket vesëve, perversiteteve dhe babëzisë.” Ai shtoi se të gjitha padrejtësitë në Kolonjë dhe në gjithë Shqipërinë kanë një emër të përbashkët, “dhe ky emër është Edi Rama dhe Rilindja.”
Duke përshkruar situatën si “antishqiptarizëm”, Noka deklaroi se qeveria aktuale ka vetëm “rekorde të zeza” dhe shtoi se “një qeveri e tillë nuk mund të jetë ndryshe, veçse një regjim antikombëtar.”
Prishja e ndërtimeve në Theth, “Bloomberg”: Zemërimi i Kryeministrit i fortë në veri
Agjencia amerikane Bloomberg i ka kushtuar vëmendje të veçantë zhvillimeve të fundit në Shqipëri, duke u fokusuar në aksionin për...
