Deputeti i opozitës parlamentare, Halit Valteri, ka deklaruar se Rudina Hajdari dhe deputeti Myslim Murrizi do të jenë pjesë e partisë së re që do të krijohet.
Valteri ka theksuar se janë ndërmarrë të gjitha hapat për krijimin e partisë së re, të cilën e kanë quajtur Lëvizja Demokratike Shqiptare, ku kanë vendosur edhe logon identifikuese.
Ai është shprehur optimist se kjo parti në zgjedhjet e ardhshme do të fitojë 20 deputetë në parlament, ndërkohë që pjesë e saj kanë kërkuar që të bëhen edhe shumë të zhgënjyer nga radhët e Partisë Demokratike.
“Ne kemi qenë një grupim deputetësh, por si çdo grupim ka mendimet e tyre, s;kemi qenë një parti që ka pasur një kryetar. Sot po zyrtarizohet dhe po hidhet në treg një partinë të re .Jemi rreth 11 deputetë që do t’i bashkohen në ditët në vijim kësaj lëvizje, për të shpresuar për të shkuar deri në 20.
Në fushatë në 12 qarqet besojmë se do të kemi 20 mandate në Kuvendin e Shqipërisë. Unë e di që Rudina Hajdari nuk ka dalë kundër kësaj partie, mund të jete dhe kjo parti ajo që thotë Rudina Hajdari se është shumë shpejt.
Ne nuk kemi qenë kurrë të ndarë. Nëse Hajdari ka folur për një parti, unë flas për një parti, Murrizi flet për një parti, besoj se flasim për të njëjtën parti. Ne kemi pasur shumë telefonata, pa dashur që të bëjmë, apo të dehemi nga suksesi, nga njerëz që nuk e gjejnë më vetën në atë parti.
Nuk doja ta quaja Lëvizjen Demokratike Shqiptare një fraksion të PD-së, po njerëzit këta janë nuk mund t’i ndryshojnë. Do keni diçka të sigurt. Kjo parti nuk do të ketë një njeri me rekorde kriminale që do garojë, apo që ka pasur lidhje me sistemin e kaluar, se kusht është pastërtia e figurës. Ato janë jo vetëm anëtarë, por edhe ish- deputet”, ka treguar deputeti Valteri.
Deputeti i opozitës parlamentare, Halit Valteri, nuk i ka kursyer kritikat për Ramën dhe Bashën, duke theksuar se partia e re që do të krijohet do të jetë ndryshe.
“Shpesh akuzohemi si njerëz që kemi tradhtuar PD, si paterica apo shtojca të Ramës, por kjo nuk është e vërtetë. Ato që kanë tradhtuar ideologjinë dhe atë për çfarë shqiptarët kanë ngritur gishtat në vitin 1990 ka devijuar se është palë e tenderave të pushtetit të Ramës dhe oligarkëve që mbajnë me bukë Ramën dhe Bashën. Janë punëtor të atyre njerëzve që do u tregojnë kë të vendosin ministër, madje dhe se si do të flenë në darkë”, është shprehur deputeti.
