Opozita e bashkuar nis protestën, bllokohen 12 akset kombëtare

Google+ Pinterest LinkedIn Tumblr +

Opozita ka nisur protestën e radhes ku siç është deklaruar dhe më herët do bëhet dhe bllokimi i rrugëve për dy orë në akset kryesore rrugore në të 12 qarqet e vendit.

Janë 12 akse kryesore kombëtare ku mbështetësit e thirrur nga opozita bashkë me ish-deputetët janë mbledhur duke bllokuar qarkullimin si shenjë e mosbindjes civile nga qeverisë.

Lideri demokrat Lulzim Basha është në Elbasan, te rrethrrotullimi i Bradasheshit ku është bllokuar aksi që lidh Juglindjen me Tiranën. Ndërsa kryetarja e LSI Monika Kryemadhi është në Durrës në rrethrrotullimin e Plepave.

Opozita kërkon largimin e kryeministrit Edi Rama dhe krijimin e një qeverie tranzitore që do ta çojë vendin në zgjedhje të parakohshme të lira e të ndershme.

Protestuesit kanë nisur marshimin në rrugë.

Ndërkohë në Korçë mbi 120 forca të Policisë së Rendit dhe asaj Kriminale janë angazhuar për monitorimin e protestës së opozitës së bashkuar, e cila ka filluar   në këto momente.

Edhe në Gjirokastër opozita jo parlamentare dhe militantët kanë nisur bllokimin e rrugës. Ajo që bie në sy është se numri i protestuesve është i vogël sa dallon më shumë prania e forcave policore. Në këtë qark protesta është nën drejtimin e ish-deputetit Tritan Shehu.Ata janë vendosur tek Ura e Leklit në kryqëzimin Tepelene-Gjirokastër-Përmet.

Shpërndaje
Share.

Komento