SPANJË– Policia spanjolle ka shpërbërë një bandë, e cila merrej me trafikë droge.
Operacioni i quajtur ‘Lavori’ zgjati rreth shtatë muaj.
Gjatë hetimeve policia zbuloi se grupi mbillte marihuanë në 6 vende të ndryshme në provincat e Valencias dhe më pas e trafikonte.
Gjatë arrestimit të anëtarëve të bandës, u sekuestruan 2,800 bimë marihuane.
Të arrestuarit janë 6 persona: tre burra dhe tri gra, mes të cilëve disa janë shqiptarë dhe disa kolumbianë .
Ata janë të moshës 28 deri në 45 vjeç dhe akuzohen për : “Pjesëmarrje në organizatë kriminale”, “Kultivim, përpunim dhe trafik droge”, “Mashtrim dhe falsifikim dokumentesh”.
Megjithatë, nuk janë zbuluar ende identitetet e të arrestuarve.
