Sekretari i Përgjithshëm i Lëvizjes Socialiste për Integrim, Endrit Braimllari me anë të një postimi në rrjetet sociale ka reaguar lidhur me operacionin e koduar “Shpirti” i cili u shtri në katër shtete. Braimllari në shkrimin e tij nënvizon se LSI-ja vazhdimisht ka denoncuar faktin, që radarët fiken me urdhër të policisë, për të favorizuar trafikun e drogës. Lidhur me këtë deklaratë të tij ai i referohet rrëfimit të njërit prej të penduarve të drejtësisë, të operacionit “Shpirti”, ku ndër të tjera përmend edhe faktin që Policia fikte radarët për 1 orë. Ai thotë se çdo strukturë shtetërorë e Edi Ramës është e përfshirë ne trafikun e drogës, sipas tij dhe se trafiku i drogës po mban peng të ardhmen e vendit.
“Pushteti i Edi Rames drejton trafikun e drogës.
E kemi denoncuar prej kohesh qe radaret fiken me urdher te policise per te favorizuar trafikun e droges.
Çdo strukture shteterore e Edi Rames eshte e perfshire ne trafik.
Trafiku i drogës mban peng te ardhmen e vendit.”, postimi në rrjetet sociale i Endrit Braimllarit.
Sjellim në vëmendje se operacioni ndërkombëtar i cili u zhvillua në katër shtete, i koduar “Shpirti”, u finalizua ditën e premte.
Nga rrëfimi i katër të penduarve të drejtësisë, u arrestuan 38 persona, përfshirë prokurorë, zyrtarë policie, si dhe dy shoqëruesit e ish-ministrit të Brendshëm, Saimir Tahiri. Nga hetimet e SPAK, në bashkëpunim me autoritetet e antimafias italiane, rezulton se grupet kriminale kanë trafikuar të paktën 6 tonë drogë përgjatë viteve 2014-2017 nga Shqipëria drejt Italisë.
