Policia ka dhënë detaje lidhur me aksionin e zhvilluar në Tiranë mbrëmjen e djeshme, ku u realizua operacioni “Bad Spin” kundër lojërave të fatit. Gjatë kontrolleve të ushtruara në këto subjekte, është bërë e mundur kapja dhe arrestimi në flagrancë i 29 shtetasve të implikuar në këtë veprimtari kriminale:
K. K., 31 vjeç, K. Gj., 28 vjeç, F. L., 28 vjeç, I. D., 52 vjeç, E. H., 28 vjeç, B. A., 53 vjeç, E. P., 29 vjeç, D. K., 28 vjeç, M. K., 41 vjeç, Xh. M., 32 vjeç, A. P., 31 vjeç, A. B., 32 vjeç, A. R., 29 vjeç, Sh. M., 40 vjeç, Sh. Ç., 31 vjeç, N. R., 28 vjeç, D. L., 45 vjeç, M. B., 52 vjeç, A. M., 58 vjeç, B. P., 54 vjeç, K. D., 18 vjeç, R. T., 18 vjeç, D. T., 36 vjeç, E. M., 19 vjeç, E. M., 21 vjeç, E. L., 37 vjeç, T. I., 37 vjeç, D. K., 33 vjeç, dhe G. H., 54 vjeç.
Gjithashtu po punohet për kapjen e shtetasit T. Sh. (L).
Aksioni u zhvillua në disa zona të kryeqytetit, si Fresk, Bllok, Mëzez, Kamëz, Astir, dhe zona të tjera.
Gjatë kontrolleve, policia ka sekuestruar shuma parash të dyshuara të përfituara nga aktiviteti i paligjshëm, 33 aparate celulare dhe pajisje kompjuterike. Operacioni u realizua nga Sektori për Hetimin e Krimeve Kibernetike, në bashkëpunim me Sektorin për Hetimin e Krimit Ekonomik dhe Financiar, Forcën e Posaçme Operacionale dhe Forcën “Shqiponja”.
Policia ka identifikuar shtetas që organizonin dhe mundësonin lotaritë e palejuara dhe është angazhuar për kapjen e personave të tjerë të përfshirë në këtë aktivitet kriminal.
Materialet janë dorëzuar në prokurori për veprime të mëtejshme.
