Forca të shumta policie kanë ‘pushtuar’ sot malet e Krujës, duke zhvilluar kontrolle edhe në disa fshatra malorë.
Forcat operacionale të Durrësit dhe të Tiranës kanë filluar krehjen e zonën së malësisë së Krujës pasi sipas informacioneve operative dyshohet se gjenden rreth 350 parcela të mbjella me lëndë narkotike.
Bëhet me dije se parcela më e vogël ka 15 bimë narkotike, ndërsa sipërfaqet e mbjella dyshohen të jenë deri në 15 hektarë.
Ndërkohë zona e malësisë mbetet ndër me problematiket përsa i takon kultivimit të lëndëve narkotike, ku vetëm gjatë këtij viti janë mbjellë rreth 30% më shumë kanabis se sa vitin e kaluar.
