Operacion anti-kanabis i RENEA-s në 6 qytete/ Arrestohen 8 persona, shoqërohen edhe dy gra

Google+ Pinterest LinkedIn Tumblr +

RENEA ka nisur një operacion të gjerë në 6 qytete të vendit, për të goditur dy grupe kriminale në fushën e trafikut të drogës.

Hetimet kanë nisur prej një viti nga Prokuroria e Krimeve të Rënda.

Deri më tani, nga 20 urdhër arreste të lëshuara, janë arrestuar 8 persona, si dhe janë shoqëruar dy të tjerë.

Operacioni ka nisur ditën e djeshme dhe po vijon sot në Korçë, Pogradec, Vlorë, Gjirokastër, Tepelenë dhe Elbasan.

Sipas “Report tv”, forcat RENEA janë fokusuar më shumë në Korçë dhe Gjirokastër.

Në pranga në Tepelenë kanë rënë në pranga dy vëllezërit Arbër e Shpëtim Brahimi, Edi Ballia, Agron Manka dhe 4 të tjerë, identiteti i të cilëve nuk dihet.

Arbër Brahimi ndërkohë është arrestuar edhe në 2014-ën në Pogradec me 50 kg kanabis, së bashku me dy persona të tjerë.

Ndërsa në Lazarat, në kuadër të këtij operacioni janë ndaluar dy gra.

Të gjithë të arrestuarit akuzohen për prodhim dhe trafik ndërkombëtar droge.

Shpërndaje
Share.

Komento