Detaje të reja janë zbardhur nga skandali në spitalin Onkologjik, që rëndon në xhepat e qytetarëve. Mjekët orientonin pacientët drejt klinikave private, ku ishin të punësuar po vetë.
Nga hetimet e Prokurorisë së Tiranës, u zbulua se në klinikën “Megis” u gjetën një sasi e konsiderueshme mallrash kontrabandë. Barnat e gjetura ishin medikamente për përdorim spitalor, specifikisht në departamentin e Onkologjisë.
Klinika, e cila tashmë është e vendosur nën sekuestro, është në pronësi të mjekut kirurg Edmond Gashi dhe të Manjola Gashit.
Gashi i drejtonte pacientët që vinin për të marrë shërbimin në “shtet” drejt spitalit të tij privat për të përfituar para prej tyre, duke i privuar të sëmurët nga shërbimi falas. Kjo klinikë është hapur që në vitin 2014.
