Konferenca e Kryetarëve ditën e sotme ka marrë një vendim ku ka vendosur që prej seancës së të enjtes gazetarët do të jenë të pranishëm në lozhat e sallës së seancës plenare. Gjithashtu është kërkuar që të hiqet kufizimi i 5 orëve për seancat plenare.
Ka kaluar më shumë se një vit që kur gazetarët u detyruan të qëndrojnë jashtë sallës së seancave për shkak të pandemisë COVID-19. Parlamenti transmetohej me regji qendrore dhe gazetarët kishin mundësi për të ndjekur deputetët vetëm jashtë sallës. Më herët u vendos që gazetarët e vaksinuar ose me test PCR kundër COVID-19 mund të ndjekin komisionet parlamentare në Kryesinë e Kuvendit.
Kujtojmë se para disa ditësh u hodh një plan për mënyrën se si do të funskiononte rregullorja për mediat dhe u vendos që të lejoheshin vetëm 5 minutat e para të mbledhjes ku kameramani kishte të drejtë të filmonte pamjet dhe gazetari që duhej të qëndrontë sallë nuk duhet lë luante dhe të ishte i vaksinuar.
Njoftimi i plotë
Siç jeni informuar, Konferenca e Kryetarëve miratoi vendimin për zhvillimin e mbledhjeve të komisioneve të përhershme të Kuvendit me prezencë fizike, duke respektuar distancimin fizik dhe masat e tjera mbrojtëse për parandalimin e përhapjes së infeksionit të shkaktuar nga COVID-19.
Ju lutem, mbani parasysh që, në respekt të këtij vendimi, gazetarët dhe kameramanët, të cilët ndjekin mbledhjet e komisioneve parlamentare fizikisht, duhet të paraqesin certifikatën e vaksinimit ose testin PCR negativ, përpara zhvillimit të mbledhjes.
Çertifikata ose testi do t’i dorëzohen punonjësit të sektorit të medias në hyrje . Duke ju falenderuar për mirëkuptimin, mund të më shkruani për cdo nevojë pêr mbêshtetje apo sqarim. Faleminderit.
