Tashmë që vendi ynë po shkon drejt hapjes, vëmendja e bluve është rivendosur te bota e krimit.
Mbrëmjen e sotme Operacioni Forca e ligjit ka zbarkuar në Shkodër, ku u kanë dorëzuar formularët e vetëdeklarimit 4 personave, raporton Dosja.al
Mësohet se nën lupën e Policisë janë vënë: Muhamed dhe Ibrahim Lici, Bledar Cafi e Gëzim Cafi, që njihen ndryshe si pjesë e fiseve të të “fortëve” në qytet.
Muhamet Lici ndodhet në burg, ku edhe pret vendimin e trupës gjykuese, pasi akuzohet se është kreu i grupit të gjobëvënësve të Shkodrës.
Ndërsa, Ibrahim Lici, është djali i Mustafa Licit dhe akzuohet se vrasësi i 2 vëllezërve Astrit dhe Ibrahim Bilalit.
Ai është shpallur në kërkim që prej 30 marsit të vitit 2018.
Nga ana tjetër, edhe Bledar Cafi ka të shkuar kriminale dhe njihet si një person problematik, por i ka shpëtuar shumë akuzave për shkak të mungesës së provave, ndër to edhe akuzave për vrasje.
Rikujtojmë 3 hapat e veprimit të OFL:
- Subjekteve u dërgohet nga një letër dhe u kërkohet të plotësojnë kërkesat e formularit për burimin e pasurisë së tyre brenda 48 orëve.
- Më pas formulari shkon në SPAK dhe hetohet për një periudhë 15 ditore.
- Dhe pas kontrollit të SPAK shkon në Gjykatë, ku më pas subjektet thirren për të justifikuar pasurinë.
