Në rang botëror deri tani Coronavirusi ka shkaktuar 16,121 viktima, teksa janë regjistruar 368,846 të infektuar në 162 shtete, ku Italia po kalon një periudhë shumë të vështirë dhe deri tani numëron 7, 432 vdekur dhe 63, 928 të prekur.
Më pas ndiqet nga SHBA, Italia, Gjermania ku numri i të infektuarve po rritet çdo ditë e me shumë.
Megjithatë, nga ana tjetër, në Kinë situata është përmirësuar ndjeshëm, teksa kinezët i janë kthyer jetës normale pasi janë rikthyer në punë, në shkollë, janë rihapur vendet publike, si edhe janë mbyllur spitalet e përkohshme që u hapën për të infektuarit.
Ditën e sotme, kreu i OBSH-së, Tedros Adhanom Ghebreyesus, tha se pandemia është duke u përshpejtuar, pasi nëse 100 mijë të infektuar u regjistruan për dy muaj, tashmë e njëjta shifër të prekurish është regjistruar për 10 ditë, duke e çuar numin në 200 mijë e më pas situata u rëndua akoma më shumë pasi për 4 ditë shifra shkoi në 300 mijë të prekur.
Nga ana tjetër, OKB ka bërë thirrje për një armëpushim mbarëbotëror.
“Furia e Coronavirusit tregon çmendurinë e luftës. Kjo është arsyeja pse kërkojmë një armëpushim global dhe të menjëhershëm në të gjithë cepat e botës. Është koha për të ndaluar konfliktet e armatosura dhe të përqendrohemi në luftën e vërtetë të jetëve tona. Palëve në luftë iu them: tërhiquni nga armiqësitë”.
Nuk dihet ende se kur do mbarojë beteja kundër COVID-19, teksa shumë ekspertë përfshirë OBSH, paralajmërojnë se situata do përkeqësohet teksa nuk është krijuar ende vaksina.
E kur të gjithë i mbanin shpresat tek zhdukja e virusit me rritjen e temperaturave, ditën e djeshme mediat italiane raportuan se kjo nuk do ndodhë pasi në Universitetin e Bicocca-s janë zhvilluar disa studime, sipas së cilave COVID-19 nuk merr parasysh variacionet klimatike duke i shuar shpresat se pandemia do të ndalonte përhapjen masive me fillimin e pranverës.
Coronavirusi do zhduket me rritjen e temperaturave? Hipoteza testohet në Itali dhe ja përfundimi
Tashmë, deri në krijimin e vaksinës na mbetet ta luftojmë COVID-19 vetëm me disiplinë, ndërgjegjësim dhe duke respektuar masat e qeverisëdhe këshillat e qeverisë e OBSH-së, teksa në vendin tone janë shënuar 4 viktima dhe 104 të infektuar, ndërsa në Kosovë 35 të prekur dhe 1 viktimë.
