Pas skandalit ku u publikuan të dhënat e shqiptarëve, policia arrestoi 4 persona të dyshuar. Eni Qirjako, Andi Agaraj, Klodian Sota dhe Endri Ikonomi janë personat e prangosur për skandalin e publikimit të databazës qendrore, ku janë numrat e ID, pozicioni i punës, kompania.
Mes personave të arrestuar është edhe Andi Agaraj. Ky i fundit, punonjësi i IT-së, specialist kompjuteri në zyrën e Tatimeve i nxori këto të dhëna duke ia dhënë dy përmbaruesve kundrejt 20-30 mijë lekëve.
Emri i Andi Agaraj është mjaft i njohur në vendin tonë, ndërsa njihet si fotografi që theu tabunë dhe bëri një ekspozitë me foto nudo të femrave shqiptare. Madje, ai shkoi edhe më tej, duke bërë edhe një kalendar më femrat nudo në vitin 2020.
Andi Agaraj ka lindur në Fier, prej disa vitesh banon në Tiranë. Ka përfunduar studimet për inxhinieri telekomunikacioni. Gjithashtu Agaraj zotëron edhe një faqe web si profil me fotografitë e tij.
Më Agaraj herët ka qenë pjesë e komisionit hetimor parlamentar për ndërhyrjet që janë bërë në serverin e tatimeve, duke dëshmuar edhe në Kuvend.Ditën e sotme u bënë publik emrat e personave të arrestuar në lidhje me skandalin e publikimit të të dhënave të mijëra shqiptarëve që punojnë në sektorin privat dhe atë shtetëror.
