Dje në orën 20:00 në Kosovë hynë në fuqi masat e reja kufizuese që do zgjasin deri të hënën më datë 09.11 në orën 05:00.
Në këtë mbyllje bëjnë pjesë të gjitha subjektet afariste dhe bizneset, qendrat tregtare e rekreative, supermerketet, subjektet që ofrojnë shërbimet e gastronomisë (restoranet, kafiterite dhe të ngashme) në gjithë territorin e Republikës së Kosovës.
Për këtë arsye shumë shumë kosovarë kanë zgjedhur të kalojnë fundjavën në vendin tonë. Brenda tri orëve në pikën kufitare të Morinës kanë kaluar 1100 shtetas dhe 510 automjete.
Ndërkohë në anën kosovare të pikës së përbashkët të kalimit kufitar është stacionuar një ekip i mjekëve epidemiologë, që matin temperaturën dhe kontrollojnë për zbatimin e masave anti-COVID, ndërsa në anën shqiptare nuk ka asnjë ekip nga Shëndetësia.
Ditën e djeshme në Kosovë dhe në vendin tonë u shënuan shifra rekorde infektimesh por kjo nuk i ka ndaluar qytetarët që të lëvizin për sa kohë janë ende të lirë.
