Në Itali numri i të infektuarve me koronavirus vijon të rritet çdo ditë dhe shifrat janë me të vërtetë alarmuese.
Kjo pasi në 24 orët e fundit janë konfirmuar 10,925 raste të reja të infektuarish, duke e çuar në 402.536 numrin total të të prekurve me Covid-19 që nga fillimi i pandemisë.Tamponët ishin 165,837 (15,460 më shumë se dje që ishin 150,377).
Gjithashtu u regjistruan dhe 47 viktima të tjera duke e çuar bilancin total në 36 474 që nga nisja e pandemisë.
Rajonet me më shumë infektime në 24 orët e fundit ishin Lombardia me 2664 raste, Kampanja me 1410 dhe Lazio me 994.Numri i rasteve aktive në Itali është 116.935, ndërsa 705 persona janë në gjendje kritike për jetën.
