Jemin Gjana, kryetar i Komisionit Zgjedhor të Partisë Demokratike me anë të një deklarate për mediat, ka treguar lidhur me ecurinë e deritanishme të numërimit për anëtarët e rinj të Këshillit Kombëtar.
Gjana ka thënë se numri i delegatëve të pranishëm ditën e sotme në Kuvendin Kombëtar, 7.646 delegatë gjithsej, të pranishëm në Kuvend ditën e sotme kanë qenë vetëm 5.703, të cilët dhe kanë votuar për këshillin e ri. Gjithashtu ai ka thënë se rezultatin pritet të dalë pas mesnatës. Gjithashtu ai ka treguar dhe risi është se në këshill nga 3oo anëtarë, 90 do të jenë femra dhe 45 do të jenë të zgjedhur nga forumi rinor i PD.
“Përfundimisht na rezulton se numri i delegatëve gjithsej është 7646 delegatë. Nga raportimet që u morën kanë qenë të pranishëm 5703 nga delegatët. Pas përpunimit të procesverbaleve, rezulton që kanë marrë pjesë në votim 5339 ose diku te 69.8% e numrit të delegatëve të kuvendit.
Nuk kanë marrë pjesë në votim 364 delegatë. Këto janë të dhënat e deritanishme. Vazhdon procesi i numërimit në të 14 komisionet. Janë 598 kandidatura për 300 vende të Këshillit Kombëtar. Shpresoj që sonte pak pas mesnate do të nxirret kjo listë me 300 emra nga të cilët 90 do të jenë zonja dhe zonjusha, 45 nga forumet rinore të PD-së dhe pjesa tjetër djem dhe burra. Procesi zgjat.
Besoj të do të shihemi nesër në mëngjes, sepse pas mesnate do të jetë shumë vonë”, tha Gjana.
