Numërimi i votave për kandidatët preferencial, një risi kjo në zgjedhjet e zhvilluara ketë vit po shkon drejt fundit. Teksa kanë mbetur edhe pak kuti pa u numëruar në Qarkun e Tiranës, Elbasanit dhe Vlorës, tashëm janë konkretizuar edhe fituesit e këtyre zgjedhjeve, e thënë ndryshe ligjvënësit e Sesionit të ri të Parlamentit.
Nga të dhënat e deritanishme të dhënat e Komisionit Qendror të Zgjedhjeve, rezulton se politikani më i votuar është Taulant Balla, i cili ka marrë gjithsej 21604 vota, i ndjekur nga Fatmir Xhafaj me 16 738 vota. Ndërkohë, ndër më të votuarit është edhe kryetari i Partisë Demokratike, Lulzim Basha, i cili renditet i treti me 16 186 vota, për të vijuar me kryeministrin Edi Rama me 15 871 vota.
Ndërkohë, mes dhjetë politikanëve më të votuar nga qytetarët shqiptarë janë edhe Ornaldo Rakpi, Erion Braçe, Belinda Balluku, Agron Shehaj, Etjen Xhafaj dhe Blendi Klosi. Kujtojmë se Zgjedhjet e 25 prillit u fituan nga Partia Socialiste e cila mori gjithsej 74 mandate, ndërsa Partia Demokratike në këto zgjedhje arriti të siguronte 59 mandate. Krahasuar me zgjedhjet e mëparshme ku Lëvizja Socialiste për Integrim fitoi 19 mandate këtë vit pati një rënie drastike ku mori vetëm 4 mandate. Gjithashtu PSD-ja e Tom Doshit ka arritur të siguroj 3 mandate, vetë kryetari i kësaj partie hoqi dorë nga mandati i tij dhe deklaroi se mandatet e PSD-së do të bashkohen me ato të Partisë Socialiste.
