Futbollisti katalanas dhe kapiteni i tretë i Barcelonës, Sergi Rogerto ka thënë se është i pavërtetë lajmi se futbollistët nuk kanë pranuar uljen e pagave, e si pasojë erdhi edhe largimi i Leo Messit.
“Është krejtësisht e rreme. Vitin e kaluar ne pranuam uljen e pagave dhe e gjithë skuadra që në momentin e parë ka qenë e hapur për të ndihmuar klubin, për të bashkëpunuar në mënyrë që të jetë financiarisht i qëndrueshëm”, është shprehur Roberto.
Ai komentoi edhe momentin e pakëndshëm në ndeshjen e trofeut “Gamper”, kur tifozët fishkëllyen lojtarët e tyre, pasi besonin se largimi i i Messit erdhi për fajin e tyre. Roberto tha se tifozët e bënë atë veprim nisur nga informcione të pavërteta dhe se të gjithë donin që argjentinasi të qëndronte.
“Nuk është e këndshme që të fishkëllejnë tifozët e tu, dhe aq më pak që ata e bëjnë këtë bazuar në informacione që nuk janë të vërteta. Lojtarët ishin ata që më së shumti donin që Leo të qëndronte, ne do të kishim bërë më së shumti, por problemi shkoi përtej lojtarëve, ai erdhi nga prapa, ose për shkak të pandemisë ose për shkak të menaxhimit që është bërë, i cili e la klubin në situatë shumë të keqe. Tani ne duhet të jemi të bashkuar, ne kemi nevojë për tifozët më shumë se kurrë. Ne kemi qenë pa ta për më shumë se një vit. Ka të bëjë me fitimin e lojërave dhe titujve dhe ne do të jemi më të fortë me ta”, tha katalanasi.
Ai shpreson që ekipi të ketë mbështetjen e tifozëve këtë sezon, pasi situata është e vështirë për të gjithë. La Liga për Barcelonën fillon të dielën dhe blaugranët duhet të fitojnë përballë Real Sociedad. Roberto tha se lojtarët do të përpiqen t’ua kthejnë mbështetjen tifozëve me sukses të madh.
