Një atentat me armë zjarri u regjistrua pasditen e djeshme në afërsi të mbikalimit të Shkozetit në Durrës.
Persona të paidentifikuar qëlluan me breshëri kallashnikovi në drejtim të makinës ku ndodhej prokurori Arjan Ndoja, Aleksandër Laho dhe shoferi Andi Maloku.
Ky i fundit është në gjendje kritike për jetën, ndërsa për dy të plagosurit e tjerë rreziku më i madh ka kaluar.
Në dëshminë e tij për ‘Faxweb’, Ndoja ka thënë se me Muharremin ishin takuar në një restorant, nga ku më pas u nisën drejt Tiranës.
Ai gjithashtu ka mohuar të ketë qenë shënjeshtra e atentatit.
“Kam qenë duke drekuar në një restorant në zonën e plazhit. Isha i vetëm në lokal, erdhi Muharremi me të cilin kam njohje dhe një person tjetër dhe u ulën po aty. Më pas u nisëm drejt Tiranës me automjetin tim. Mua mund të më vrisnin në derën e shtëpisë, në prokurori, nuk kishte se pse të qëllohesha në autostradë. Unë isha ulur në vendin e parë, ndërsa Maloku në drejtim të makinës. Muharremii pas. Nuk pikasëm ndonjë gjë të dyshimtë deri në momentin që jam qëlluar. Gjithcka ndodhi shumë shpejt”, është shprehur Ndoja.
Ndërsa Landi Muharremi nuk dhënë ende asnjë dëshmi, për shkak se ka marrë një plumb në pjesën e nofullës.
