Prokurorët e Tiranës, Gjergji Tako dhe Ervin Karanxha kanë mënjanuar kolegun e tyre Kolë Hysenaj, për dosjen Basha.
Në vendimin që i kanë dërguar PD, për përfundimin e hetimeve, mungonte firma e Hysenajt.
Lidhur me këtë ngjarje, drejtuesja e Prokurorisë së Tiranës, Elisabeta Imeraj, tregoi për “Top Channel”, sesi veprohet në këto raste.
Ajo tha se dy prokurorët duhet të arsyetojnë në mënyrë të shkruar, se çfarë rrethanash ndryshuan qëndrimin e tyre.
“Dy nga tre prokurorët e dosjes Basha, do ju duhet të arsyetojnë në mënyrë të shkruar se çfarë rrethanash ndikuan në ndryshimin e qëndrimit nga ana e tyre, duke qenë së është e njëjta gjendje e akteve që nga moment që e kanë marrë z. Basha në cilësinë e të pandehurit në qërshor të vitit 2019”, shprehet Elisabeta Imeraj.
Më tej Imeraj shtoi, se Tako dhe Karanxha, duhet të shpjegojnë gjithashtu bazën ligjore të mosnjoftimit të kolegut të tyre.
“Së dyti, dy nga tre prokurorët duhet të shpjegojnë se me çfarë baze ligjore kanë mënjanuar nga dosja prokurorin e tretë, duke mos i bërë me dije veprimet që po kryheshin dhe pse duhej bërë kjo, pa ndërmarrë asnjë veprim procedurial”, ka thënë Imeraj.
Më tej drejtuesa e Prokurorisë së Tiranës, tha se çështja është në dorën e saj, për të verifikuar, vlefshmërin e verimeve të dy prokurorëve.
“Së treti, Drejtuesi i Prokurorisë ka të drejtë dhe detyrë të ndërhyjë me anë të udhëzimeve për zgjidhjen e situatës dhe verifikimin e vlefshmërisë së veprimeve të prokurorëve Karanxha dhe Tako”, përfundon Imeraj.
