Presidenti Ilir Meta nuk ka humbur rastin që të urojë ekipin e Dinamos për rikthimin në elitën e futbollit shqiptar. Në një postim në Facebook, Meta ka publikuar foto të emrave më të mëdhenj të Dinamos ndër vite dhe të futbollit shqiptar si Sulejman Demollari, Mujo Targaj, Halit Gega, Ilir Pernaska, Ermal Tahiri. Meta shkruan krahas fotos se Dinamo është një emër i madh i ftbollit kombëtar dhe një burim krenarie e simbol i vlerave.
Postimi i plotë i Metës:
“Shumë urime Dinamos për rikthimin në Superiore!
Një emër i madh i futbollit tonë kombëtar, burim krenarie dhe simbol i vlerave më të mira sportive”
Ekipi i Dinamos arriti të rikthej as 9 vitesh mungesë në Kategorinë Superiore të futbollit shqiptar. Ditën e djeshme skuadra kryeqytetase arrit të fitonte me rezultatin 0-2 me Vorën duke siguruar matematikisht ngjitjen në Superligë. Hera e fundit që Dinamo ka qenë në Kategorinë Superiore ishte viti 2012, vit në të cilin filluan 9 sezonet e vështira në Kategorinë e Parë. Dinamo është një nga klubet më të rëndësishëm të futbollit shqiptarë me 17 kampionate të fituar dhe 15 trofe të Kupës së Shqipërisë. Tashmë tifozët shqiptarë do të kenë mundësinë që të shohin më shumë se një derbi sezonin e ardhshëm veç atij Tirana-Partizani pasi tashmë do rikthehen edhe ndeshjet Dinamo-Partizani dhe Tirana-Dinamo.
