Nuk lëshonin kupon dhe kishin rritur çmimet/ Procedohen penalisht 3 administratorë, gjobiten 9 të tjerë

Google+ Pinterest LinkedIn Tumblr +

Në kohën kur Shqipëria po kalon një situatë të vështirë ekonomike, disa persona po mundohen të përfitojnë duke rritur çmimet.

Gjatë 24 orëve të fundit, policia ka proceduar penalisht 3 administratorë subjektesh ndërsa janë gjobitur 9 të tjerë.

Denoncimet nga qytetarët kanë qenë të shumta, si për abuzimet me çmimet e subjekteve që tregtojnë fruta-perime me shumicë dhe pakicë, por edhe për farmacitë, të cilat nuk lëshojnë kupon tatimor.

Si rezultat i kontrolleve janë ndëshkuar me masë administrative 50.000 lekë, 7 administratorë, konkretisht shtetasit J. P., K. B., M. Xh., K. S., P. C., M. A. dhe G.

Në Tiranë u procedua penalisht shtetasi P. Ç., pasi nuk paguante taskat dhe tregonte medikamente pa kupon në farmacinë e tij.

Në Vlorë ndërkohë u gjobitën me 50 mijë lekë M.I. dhe A.A., pasi nuk lëshonin kupon tatimor, ndërsa u proceduan penalisht M.Xh. dhe E.Gj., për ushtrim aktiviteti të parregullt.

Kryeministri Edi Rama ka paralajmëruar gjoba deri në mbyllje të biznesit për abuzuesit.

Shpërndaje
Share.

Komento