Real Madridi ka përjetuar një mbrëmje të vështirë të mërkurën në Ligën e Kampionëve, duke u mundur 2-0 nga Liverpooli në një ndeshje që do të duan ta harrojnë.
Por as dita pas ndeshjes nuk ka qenë më e mirë për klubin spanjoll.
Në rrjetet sociale janë shpërndarë foto dhe video të autobusit të ekipit madrilen, i cili është përfshirë në një aksident në autostradë në Angli, duke u përplasur nga pas me një kamion.
Policia britanike ka konfirmuar incidentin, por nuk ka dhënë shumë detaje.
Deri më tani, është raportuar se nuk ka pasur të lënduar.
Megjithatë, nuk është bërë e qartë nëse në momentin e aksidentit ndodheshin pjesëtarë të ekipit brenda autobusit apo ai ishte bosh, duke u kthyer për në Spanjë.
