Edi Rama po vazhdon takimet në kuadër të fushatës elektorale dhe nga qyteti i Fierit ka dhënë premtimet e radhës që kërkon t’i përmbushë në mandatin e tretë. Pasi në Vlorë premtoi ujë 24 orë, në Fier Rama ka ruajtur standarde me të larta. Ai ka premtuar se do të sjellë këtu universitete që janë “me nam” në vende të mëdha. Rama ka thënë se fillimisht do të vijë Universiteti tekonlogjik i Stambollit e më pas për akademinë ushtarake po punohet më SHBA.
“Është me rëndësi që të shtojmë përpjekjet që t’i japim universiteteve tona cilësi. E shoh me shqetësim atë që po ndodh, pasi Universiteti ka marrë autonomi të madhe, dhe me këtë shfrytëzon në njërën anë lirin, dhe nuk respekton përgjegjësinë. Ambicia jonë në mandatin e tretë është që të sjellim këtu universitete që janë me ‘nam’, me reputacion, në vende të mëdha. Hapi i parë është ardhja e Universitetit teknologjik të Stambollit, që është një ndër universitetet më me nam në Europë. Po punojme me SHBA per akademine ushtarake”, tha Rama.
Arsimi i lartë në Shqipëri është prej të paktën 6 vitesh në ditën më të keqe, pasi qeveria e Ramës vendosi miratimin e ligjit për arsimin e lartë, që çon në privatizim të universiteteve publike. Mbase këtë herë Rama mund të përdorë të njëjtin argument që përdori dikur me investitorët. Në fillim të mandatit ai i kërkoi investitorëve italianë të vinin në Shqipëri pasi nuk ka sindikata, kurse këtë herë mund të sjellë universitetet e huaja duke i thënë se mund të zhvasin studentët.
