Europën e ka mbërthyer më shumë se sa një valë e dytë e mundshme shpërthimi infeksioni nga koronavirusi, një panik për një mbyllje të detyruar të dytë, që nga të gjithë konsiderohet si e papërballueshme psikologjikisht dhe ekonomikisht.
Por ndërkohë që paniku po rikrijohet, nga shkencëtarët suedez vjen një shpresë e cila duket se po i gëzon të parët suedezet dhe më tej europianët.
Epidemiologu Adners Tegnell, që shpiku strategjinë suedeze për të ndjekur politikën e hapjes totale në kulmin e pandemisë, u përball me kritika të forta fillimisht.
Megjithatë, sot Evropa po përballet me një kërcënim infeksionesh në shumë vende, përfshirë Italinë. Tegnell shpjegoi se kjo situatë nuk po ndodh në Suedi.
“Ne kemi pasur një rritje të infeksioneve , por ajo tashmë po ngadalësohet. Ne shpresojmë që të jemi në gjendje të kontrollojmë valën që kemi dhe jemi të sigurt që mund ta bëjmë”,- tha ai.
Tegnell shpjegoi se, pranverën e kaluar, Suedia nuk u imponoi një bllokim qytetarëve të saj por specifikoi se, nuk kemi të bëjmë me një valë të dytë dhe nuk do të mbyllemi sërish.
“Këtu kishte një bllokim virtual, në praktikë shumë suedezë janë mbyllur në shtëpi.
Një nga ndryshimet më të mëdha krahasuar me vendet e tjera evropiane është se në Suedi ne nuk u bllokuam dhe nuk u rihapëm edhe pas ‘bllokimit virtual’, ne mbajtëm të njëjtat masa gjatë gjithë periudhës dhe kjo kishte efekti i infeksioneve që përmbajnë”,- tha epidemiologu.
/GazetaReforma.com/
