Kreu i Partisë Demokristiane, Nard Ndoka ka folur për marrëdhëniet me Lulzim Bashën pas humbjes në zgjedhjet e 25 prillit, në një intervistë për Fax News. Ndoka ka thënë se opozita duhet të nxjerrë mësimet e përballjes më Ramën, edhe pse ky i fundit ishte i vetëm. Ai u shpreh se Basha e ndërtoi fushatën më vete, pra pati një lloj protagonizmi dhe nuk pati kontakte të vazhdueshme me aleatët gjarë fushatës. Ndër të tjera, Ndoka ka treguar se edhe për momentin nuk ka kontakte, pasi PD është marrë me zgjedhjen e kryetarit.
“Ne duhet të nxjerrim mësimet, opozita e pati të vështirë përballjen me mazhorancën, edhe pse Edi Rama ishte i vetëm. Janë shumë arsye se pse opozita pati rezultat, zoti Basha e ndërtoi fushatën më vete, pra pati njëlloj protagonizimi nga Basha për tu ballafaquar në mënyrë direkte me zotin Rama. Ai ndoshta e futi në vorbull, dhe zoti Basha nuk diti që të ndërtonte një marrëveshje publike me aleatët. Nuk pati kontakte të vazhdueshme gjatë fushatës me aleatët, dhe kjo pati kostot dhe pakënaqësitë e veta. Nuk ka kontakte për momentin, për faktin se PD u fut në një spirale të zgjedhjes së kryetarit, duhet të ishte e kundërta, të ishte bërë njëherë analiza dhe më pas të bëhej zgjedhja e kryetarit. Ka një lloj tendence për t’i parë aleatët si të tepërt, ndërkohë që është e kundërta, ne jemi penalizuar nga heshtja e PD-së për heqjen e koalicioneve”, tha Ndoka.
