Coronavirusi tashmë ka gjunjëzuar Italinë dhe në 24 orët e fundit janë regjistruar 427 viktima, duke e çuar numrin total në 3,405 të vdekur, teksa në Kinë për 3 muaj u shënuan 3,245 viktima.
Në përditësimin e përditshëm të të dhënave, kreu i Mbrojtjes Civile, Borrelli njoftoi se numri i të infektuarve ka shkuar në 41,035 persona.
Ekspertët kanë paralajmëruar se nëse deri të dielën shifrat nuk ulen, qeveria duhet që të ashpërsojë masat e sigurisë për të frenuar përhapjen e këtij virusi të rrezikshëm, teksa të këtij mendimi janë edhe ekipet kineze të ardhura në ndihmë të popullit italian kanë thënë se Italia duhet të marrë masa më të rrepta për të luftuar Coronavirusin se ndryshe nuk e përballojnë dot.
Kujtojmë se Italia tashmë po përballet edhe me një problem tjetër, që ka të bëjë me uljen e sasive të ilaçeve që ndihmojnë në lehtësimin e pasojave të Coronavirusit.
Përveç numrit të lartë të viktimave, Italia po përballet me një tjetër problem madhor
Deri tani në vendin tonë kanë humbur jetën 2 persona dhe janë infektuar 64 të tjerë, teksa në Kosovë janë 20 persona të infektuar me COVID-19.
Autoritetet shëndetësore bëjnë thirrje që personat të cilët mund të kenë qenë të ekspozuar ndaj individëve të dyshuar për COVID-19, duhet që të vetëkarantinohen dhe të monitorojnë shëndetin e tyre për 14 ditë, që nga dita e fundit me kontaktin e mundshëm.
Po ashtu, ata duhet të kërkojnë mbikëqyrje të menjëhershme mjekësore, nëse paraqesin ndonjë nga simptomat, veçanërisht temperaturë, simptoma respiratore si kollë dhe vështirësi në frymëmarrje apo diarre menjëherë të kontaktojnë 127.
Të gjithë qytetarët rekomandohet që të shmangin daljet në publik dhe të qëndrojnë në shtëpi duke respektuar rregullat e higjenës.
