Gjyqi ndaj Emiljano Shullazit dhe grupit të tij është shtyrë sërish.
Këtë herë shkak për shtyrjen u bë mosplotësimi i trupës gjykuese.
Seanca në Apelin e Gjykatës së Posaçme, nuk zgjati as 2 minuta.
Situata pritet të jetë e bllokuar edhe në javët në vijim ndërkohë.
Në fund të dhjetorit, KLGJ i dërgoi një shkresë Ministrisë së Drejtësisë, nëpërmjet së cilës i kërkohej gjetja e një zgjidhje ligjore për zhbllokimin e situatës.
Nëse procesi do të vijojë të jetë i bllokuar, Shullazi dhe anëtarët e tjerë mund të lirohen nga paraburgimi.
Gjykata e Krimeve të Rënda dënoi me 55 vite burg Emiljano Shullazin, Gilmando Danin, Endrit Qyqen, Endrit Zelën dhe Blerim Shullazin.
Ata akuzohet për grup të strukturuar kriminal, kanosje dhe gjobvënie.
