Vijon të rritet frikshëm numri i viktimave në Itali, pasi sipas autoriteteve ditën e sotme janë regjistruar 662 vdekje dhe 4,492 të infektuar.
Në katër ditët e fundit në vendin fqinj u shënua një rënie e numrit të viktimave në Lombardi, ndërsa orët e fundit është rritur përsëri.
Deri tani në total janë shënuar 8,165 vdekje, ndërsa numri i përgjithshëm i personave të infektuar është 80, 539, sakaq 10,361 persona janë shëruar.
Italia vijon të mbetet vendi i parë në botë me numrin më të lartë të viktimave dhe të infektuarve, ku sipas raportimeve të fundit të paktën 37 mjekë kanë humbur jetën, ndërsa më shumë se 6, 000 persona nga stafi mjekësor janë të infektuar.
Në rang botëror janë regjistruar 503,274 të infektuar dhe 22, 342 viktima në 199 vende.
Tashmë epiqendra e pandemisë është zhvendosur në Europë, ku numri i viktimave dhe të prekurve po rritet dita-ditës, por sipas deklaratës së fundit të OBSH nuk është arritur ende kulmi, teksa pritet që epiqendra e ardhshme të jetë SHBA.
Më herët ditën e sotme, OBSH ka bërë me dije se piku i pandemisë ende nuk ka kaluar.
