Krahas prokurorëve dhe gjyqtarëve, edhe policët po i nënshtrohen procesit të vettingut.
Oltjon Shehu nëndrejtor i përgjithshëm i SHÇBA ka ngecur në sitën e vettingut.
Shkak u bë pasuria, të cilën ai nuk mund ta justifikonte.
Bëht fjalë për një shtëpi dy katëshe dhe një makinë, shkruan “Balkanweb”.
Ai u justifikua para Komisionit, se të ardhurat i ka përfituar nga puna si punonjës bingoje, kamerier dhe menaxher hoteli.
Komisioni i Jashtëm i Vlerësimit përbëhej nga Ela Kerka kryesuese, Marjeta Gjela relatore dhe Ana Kapaj anëtare.
Këto të fundit dolën në konkluzionin, se Shehu nuk ka pasur kursime të mjaftueshme për të ndërtuar banesën, duke përmendur dy kreditë në shumën 500 mijë lekë, si dhe pagat e tij e të bashkëshortes.
