“Nuk jemi dele”/ Protestë nga ballkoni në Kosovë: Zhurma e tenxhereve le të jetë revoltë e jona

Google+ Pinterest LinkedIn Tumblr +

Ditën e djeshme Lëvizja Demokratike e Kosovës dërgoi emrin e Avdullah Hotit në zyrën e presidentit Hashim Thaçi, si kandidat për kryeministër.

Në tentativë për të shmangur zgjedhjet e parakohshme, Thaçi i kërkoi partive politike në Kosovë, një kandidat për kryeministër, por takimet e tij me kryeministrin e shkarkuar, Albin Kurti dështuan.

Nisur nga zhvillimet e fundit politike, grupi i aktivistëve “Replikë”, ka paralajmëruar një protestë.

Duke qenë se vendi është i izoluar për shkak të COVID-19, protesta do të zhvillohet nga ballkonet, nga ora 20:00 deri në 20:10.

Në postim thuhet se zhurma e tenxhereve do të jetë kërkesë për vazhdimin e punës të qeverisë në detyrë dhe shpalljes së zgjedhjeve të parakohshme, pas përfundimit të epidemisë.

Postimi i plotë:
Të gjithë qytetarët e Kosovës më 24 prill 2020 në ora 20:00 përmes zhurmës me tenxhere do të kërkojmë zgjedhje të reja parlamentare pas përfundimit të pandemisë COVID-19.

Zhurma e tenxhereve le të jetë kerkesë e jona për vazhdim të punës të qeverisë në detyrë deri në përfundimin e pandemisë dhe pastaj shpalljes së zgjedhjeve.

Zhurma e tenxhereve le të jetë kerkesë e jona për qeveri legjitime dhe respektim të vullnetit të votuesve.

Zhurma e tenxhereve le të jetë revoltë e jona kundër një kryeministri i cili nuk ka qenë kandidat për kryeministër gjatë zgjedhjeve, kështu duke mos u respektuar vullneti qytetar.

Zhurma e tenxhereve le të jetë revoltë e jona për fokusin e politkanëve gjatë kësaj kohe në lojëra politike e jo në ruajtjen e shëndetit të përgjithshëm nga COVID-19.

Zhurma nga ballkonet le të jetë përgjigje e qytetarëve të Kosovës që #NukJemiDele

Nga ora 20:00 deri në ora 20:10 po bëjmë zhurmë me mjete metalike jo të rrezikshme nga ballkonet dhe dritaret e shtëpive dhe banesave tona.

Shpërndaje
Share.

Komento