Në kuadër të ligjit “Anti-KÇK” OFL-ja i dërgoi disa ditë më parë kërkesën për justifikimin e pasurisë familjes Doçi nga Shkodra, por asnjëri prej tyre nuk e plotësoi formularin.
Kështu, ditën e sotme Prokuroria e Posaçme Kundër Korrupsionit (SPAK) ka dorëzuar në Gjykatën Speciale kërkesën për të sekuestruar pronat e Doçajve duke qenë se ata nuk iu përgjigjen OFL-së për justifikimin e pasurisë.
Bëhet fjalë për 8 asete gjithsej: banesë tre katëshe në Shkodër; banesë 2 katëshe në Shkodër; banesë 2 kate plus papafingo në Shkodër; automjeti tip Mercedez Benz, prodhim i vitit 2012; automjet tip BMW i blinduar; banesë dy kate plu njësi shërbimi në Shkodër; tokë me sipërfaqe 1541 m2 në Shkodër; tokë me sipërfaqe 350 m2 në Shkodër.
Kujtojmë se Gentian Doçit është i shpallur në kërkim pasi është i dyshuar si organizator i rrëmbimit të Jan Prengës dhe nga përgjimet rezulton një bisedë e Docit me Astrit Prengën, të cilin e kërcënon me jetën e të vëllait, nëse nuk kthehej sasia e kokainës.
Ndërkohë, nga data 7 deri më 20 shkurt, operacioni Forca e Ligjit ka dorëzuar në SPAK 24 kërkesa për vlerësim sekuestro për pasuri të ndryshme.
