Kryeministri Edi Rama ka reaguar menjëhëerë pas deklaratës së fundit të Presidentit Meta ku ky i fundit e shantazhoi se çdo ditë do të merrej me të dhedo t’u faktonte shqiptarëve lidhjet e tmerrshme të Ramës me botën e krimit dhe dëmet ndaj çështjes kombëtare.
Në një letër të hapur drejtuar socialistëve në Asamblenë e PS e cila do të mbahet sot, Meta ka deklaruar se nuk do t’i ndahej kreut të PS derisa ta përzinte nga Partia.
Rama me anë të një postimi në rrjetin social twitter, ka shkruar se Shqipëria dhe shqiptarët nuk i kanë më asnjë borxh Metës, pasi ata e bënë kryeministër, kryeparlamentar, president dhe se nuk mund të durojnë shkallimet dhe sëkëlldit e tij të përditshëm.
Postimi i Ramës:
“Ilir çfarë borxhi të ka Shqipëria që të bëri kryeministër, kryeparlamentar, president dhe duhet të durojë shkallimet e tua të përditshme, që sekëlldisin jo veç të gjallët po edhe të rënët për liri të këtij vendi, të cilëve u je qepur me dekoratat e me fjalimet e tua qesharake”, i shkruan Rama Metës.
Ky ping-pong deklaratash midis Metës dhe Ramës vijnë pak orë para mbajtjes së Asamblesë së PS, e cila do të mbahet në orën 15.30, te Liqeni Artificial.
