Nxënësit dhe mësuesit të fshatit Darëzezë të Fierit, bojkotuan mësimin ditën e sotme.
Ata protestuan për kushtet e këqija të transportit për në shkollë. Që prej 2 dhjetorit, shkolla në Darëzezë u mbyll dhe 70 nxënës u transferuan në Topojë.
Nga dy autobusa që ishin në dispozicion për transportin, tashmë ka mbetur vetëm një.
Prindërit e nxënësve ankohen, pasi autobusat nuk kanë ngrohëse, ndërsa fëmijët detyrohen të qëndrojnë në këmbë.
Githashtu autobusi ka probleme me sistemin e frenimit, duke rrezikuar jetën e pasagjerëve.
Prindi i njërit prej fëmijëve është shprehur tepër i revoltuar për “Faxnews”.
Ai thotë se fëmijët nuk janë sardele dhe nuk mund të qëndrojnë në këmbë.
“Nuk po i kërkojmë avion Bashkisë që të çojmë fëmijët në shkollë, po i kërkojmë dy autobusë që të kenë kushtet normale. Janë 40 kilometra vajtje ardhje, ku fëmijët nuk kanë vend që të ulen dhe qendrojnë në këmbë. Autobusi nuk ka ngrohje, nuk mund të qendrojnë fëmijët 6-vjeçare në këmbë. Nuk ka nisur ende rikosntruksioni i shkollës, as nuk na pyetën fare se e prishën natën. Ne nuk i kemi fëmijët dele që ti fusin aty si sardele, me ndihmën e medias shpresojmë që ky problem të zgjidhet”, shprehet njëri prej prindërve, ndërsa të njëjtin shqetësim ndajnë edhe banorë të tjerë të Darzezës.”, u shpreh ai.
