Arrestohet në Turqi për drogë, stilisti i njohur nga Kosova, Valdrin Sahiti. Lajmin e ka bërë të ditur ditën e djeshme policia e Turqisë, e cila njofton se ka ndaluar dhe arrestuar në Aeroportin e Stambollit disenjatorin e njohur kosovar Valdrin Sahiti.
Sipas burimeve nga “KosovaNeës”, arrestimi i Sahitit ka ndodhur pasi është i dyshuar për veprën penale blerja, pranimi, posedimi i drogave dhe stimuluesve për përdorim bazuar në nenin 191 të kodit penal të Turqisë.
Policia Turke e ka njoftuar Policinë e Kosovës se Valdrin Sahiti është kapur me pasaportë diplomatike të lëshuar nga Republika ne Kosovës. Sahiti ka shfrytëzuar statusin e diplomatit për të kaluar në zonën VIP të aeroportit të Stambollit, mirëpo pas dyshimeve të policisë turke ai është kapur në flagrancë dhe gjatë kontrollit i është gjetur drogë. Mënjeherë pas kësaj Vadrin Sahiti është arrestuar dhe ndodhet në burg në Turqi.
Kujtojmë se Valdrin Sahiti është pajisur me pasaportë diplomatike në vitin 2020 me rekomandim të ish ministres së jashtme të Kosovës Melisa Haradinaj. Paisja e tij me pasaportë diplomatike u bë nën arsyetimin për afirmimin e Kosovës në arenën ndërkombëtare si dizejnator mode.
Sahiti ka veshur shumë yje shqiptare dhe botërore si Beyonce, Cardi B, Khloe Kardashian dhe shumë këngëtare e modele të njohura, të cilat kanë shkëlqyer në tapetin e kuq.
