Muxhahedinët janë vendosur në qendër të vëmendjes për shkak të përplasjeve që patën 2 ditë më parë me Policinë e vendit tonë, teksa bënë rezistencë ndaj kontrollit në kampin e tyre të vendosur në Manëz të Durrësit.
Ndërkohë që gazetarja Klodiana Lala ka zbuluar disa detaje në lidhje me jetesën e muxhahedinëve në kampin në Manzë të Durrësit.
Lala u shpreh se ata jetojnë të ndarë, burrat veç dhe gratë veç, nuk pranojnë të kryejnë marrëdhënie intime dhe si rrejdhojë nuk bëjnë fëmijë pasi kanë statusin e “luftëtarit të lirisë”.
“Unë kam qenë në kamp edhe më herët. Lëvizin në grupime të vogla 3, 4 persona dhe asnjëherë një grupim i vetëm. Pra lëvizin njëri pas tjetrit, qëndrojnë të ndarë veçmas gratë dhe veçmas burrat. Kanë psikologjinë e turmës, ata nuk bëjnë fëmijë. Kanë statusin e “luftëtarit të lirisë”, nuk pranojnë marrëdhënie intime me njëri-tjetrin sepse misioni kryesor i tyre është që të rrëzojnë regjimin në Iran. Grupimi në këndvështrimin tim, gabimi i parë është që ata u lanë të izoluar. Disa kohë më parë erdhi një çift nga Kanadaja që kërkonte të takonte vajzën në kamp dhe nuk u lejua. Në dosjen e Prokurorisë thuhet se 450 prej tyre janë larguar dhe ka një persekutim për ata anëtarë që tentojnë të largohen. Fakti që mbahen të izoluar mendoj se ka sjellë këtë situatën dhe ky grup do jetë e vështirë të kontrollohet”, u shpreh gazetarja./
