Prej disa ditësh po flitet se partitë kryesore parlamentare kanë nisur bisedimet për rikthimin në gjendje normale të Kuvendit.
Bëhet me dije se PS-ja dhe Rithemelimi kanë rënë dakord për të ngritur Komisionin Hetimor për Koncesionet në Shëndetësi dhe Komisionin Hetimor për nxjerrjen e të dhënave të sistemit TIMS.
Sot në orën 16:00 mbahet mbledhja e Konferencës së Kryetarëve. Mbledhja e Kryetarëve mbahet për ngritjen e Komisioneve Hetimore.
Komisioni Hetimor do të përbëhet nga 15 anëtarë, nga të cilët kryetari dhe 6 anëtarë propozohen nga Grupi Parlamentar i Rithemelimit dhe 8 anëtarë propozohen nga Grupi Parlamentar i PS-së.
Përbërja e Komisionit caktohet me vendim të veçantë të Kuvendit.
